Парады па самастойным афармленні спісу

Рэдагаванне бібліяграфічнага спісу літаратуры можна ажыццявіць самастойна, кіруючыся:

• Інструкцыяй аб парадку афармлення кваліфікацыйнай навуковай работы (дысертацыі) на суісканне навуковых ступеняў кандыдата і доктара навук, аўтарэферата і публікацый па тэме дысертацыі (зацв. пастановай Вышэйшай атэстацыйнай камісіі Рэспублікі Беларусь ад 28.02.2014 № 3);
• узорамі афармлення бібліяграфічнага апісання (зацв. загадам Вышэйшай атэстацыйнай камісіі Рэспублікі Беларусь ад 25.06.2014 № 159);
• стандартамі афармлення бібліяграфічнага запісу і бібліяграфічнага апісання.

У Нацыянальнай бібліятэцы Беларусі можна атрымаць бясплатную кваліфікаваную дапамогу бібліёграфаў:

• у зале даведачна-інфармацыйнага абслугоўвання (пам. 257);
• на занятках у апошнюю сераду кожнага месяца ў 17.00 (пам. 257с).

У кіёску па продажы выдавецкай прадукцыі ў фае бібліятэкі можна набыць метадычныя рэкамендацыі “Оформление библиографического списка к научной работе”, падрыхтаваныя бібліёграфамі Нацыянальнай бібліятэкі Беларусі. У дапаможніку ў даступнай форме з вялікай колькасцю прыкладаў дадзены асноўныя правілы складання і афармлення бібліяграфічнага апісання дакументаў.

Удакладніць бібліяграфічныя звесткі пра дакумент або даведацца аб наяўнасці канкрэтнага выдання ў бібліятэцы можна наступным чынам:

• з дапамогай электроннага каталога на партале бібліятэкі;
• задаць пытанне ў віртуальную даведачную службу “Спытай бібліятэкара”;
• у будынку бібліятэкі:

• па каталогах, базах даных і фондзе;
• у бібліятэкара-кансультанта пунктаў інфармавання або па тэлефоне +375 17 266 37 37;
• у дзяжурнага бібліёграфа ў зале каталогаў і картатэк (2-гі паверх, атрыум) або па тэлефоне +375 17 293 28 56;
• у бібліятэкара ў любой чытальнай зале.

Тэлефоны для даведак:
(8 017) 293 27 40 (з 10 да 17 гадзін па буднях),
(8 017) 293 27 38 (з 17 да 21 гадзін па буднях, з 10 да 18 гадзін па выхадных).
E-mail: sio@nlb.by